Eplabaka Höllu

Eplabaka

Þessari böku fann ég upp á sjálf og er ansi stolt, þar sem mín sterka hlið er matseld frekar en bakstur. Ég notaði spelt og hrásykur, en það má alveg eins nota hveiti og hvítan sykur í staðinn. Vindum okkur þá í baksturinn.

 

Botn:

50 g lint smjör

2 bollar hrásykur

2 bollar spelt

1 ½ bolli haframjöl

½ bolli kókosmjöl

½ bolli súkkulaðispænir

1 tsk. lyftiduft

½ bolli vatn

 

Fylling:

1 epli, kanill, púðursykur, kókosmjöl, hunang

 

Aðferð:

Hráefni botnsins er sett saman í skál og hnoðað með fingrunum. Það er svo sett í eldfast mót, alveg upp að börmum mótsins. Pressað vel í mótið. Því næst er eplasneiðum raðað ofan á, smávegis hunang yfir (fljótandi), kanil, púðursykri og kókosmjöli er svo stráð yfir. Þeim hluta deigsins sem stendur upp úr fyllingunni er ýtt niður þannig að það fari að hluta til yfir fyllinguna. Þetta er sett í ofn við 200°C, aðeins fyrir neðan miðju og í u.þ.b. 30 mín (tíminn getur verið mismunandi eftir ofnum, það verður því að fylgjast með). Borið fram með þeyttum rjóma, eða ís.

ATH: Ég notaði bolla sem rúmar 150 ml af vatni, ef hann er kúffullur. Annars skiptir mestu að það sé sami bollinn sem er notaður. Eldfasta mótið sem ég notaði fyrir þessa uppskrift er frekar lítið, það passar fínt fyrir svona 3-4

 

Bon appetite!! 

Athugasemdir

[Linda Björg (IP-tala skráð) 29.9.2007 kl. 12:11]

Mmm girnó :) litla systir fylgist með þér!

[Katrín Kolk (IP-tala skráð) 4.10.2007 kl. 22:08]

Namm já ég get vottað að hún er góð, þar sem ég var yfirsmakkari...